國家建設有經費，百姓安居閣樂業 --------------學生演講稿

國家建設有經費，百姓安居閣樂業 陳玉華 98/11/04

各位評審、各位來賓大家好：我今仔日欲講的故事是『國家建設有經費，百姓安居閣樂業』
納稅是國民應盡兮義務。逐家應該遵守法律，照時繳稅。政府佇每年五月份，攏會唯食頭路儂，茲一年所得兮薪水抽一點仔稅金，做為協助國家建設兮經費。政府利用咱納稅兮收入，用佇國防、外交、教育、衛生、經濟建設佮社會福利等等------，等於講，用佇咱每一個國民兮身上。卡輸若有儂毋納稅，政府著無錢通好鋪橋造路、建設學校，國家就會衰退。建設公共設施，需要一筆足大兮經費，抑遮經費若干礁靠政府支出，是無夠，大多數兮經費，攏是靠咱遮老實兮老百姓，所繳兮所得稅、房屋稅、地價稅，牌照稅，營業稅等。
像一擺台灣莫拉克颱風88水災，是自然界必然發生的事情。造成50年來最嚴重的水患，台灣上百座橋梁斷裂，山崩地裂，造成土石流，『風吹斷了線，傢伙﹙財產﹚去了一半』。『滾水潑老鼠』，死傷慘重，百姓叫苦連天，政府派國軍救災與重建，赤手空拳挖屍體，發揮大愛，咱台灣頂頂下下，愛心賑災募款有錢出錢、有力出力，全數用置災民重建工作，為台灣國家建設好，百姓盡一份心力，全國百姓一條心，做伙救台灣 ，共同創作未來。0年來最嚴重的水患
茲久咱攏知影，政府所收兮稅是，『取之於民，用之於民』，所以咱更加需要盡這份義務，儂儂依照法定納稅。國家即有資金建設，為百姓謀福利，每一個人都守法納稅。安呢，咱兮國家社會即會進步、繁華，人民兮生活水準嘛即會提昇。
　　我茲故是一個小學生，毋免納稅，無閣學校有宣傳，我嘛欲唯細漢養成納稅的觀念，若是去超級市場買物件，我著欲養成拿發票兮習慣，提發票不但會凍防止廠商逃稅，保障消費者權益，而且閣會凍中獎金哦！『一兼二顧，摸蜆仔兼洗褲』。我欲共逐家講，老老實實納稅金才是好國民。毋通勿會記得。我的故事講到遮多謝大家。