學生演講稿---------認識租稅

認識租稅

陳玉華 稿 92/ 04

演講者:林明慧 化育分校五孝

參加九二年度國民小學學生認識租稅閩南語演講 優勝

納稅是國民應盡兮義務。逐家應該遵守法律，照時繳稅。政府佇每年二月至三月之間，攏會唯食頭路儂，茲一年所得兮薪水抽一點仔稅金，做為協助國家建設兮經費。政府利用咱納稅兮收入，用佇國防、外交、教育、衛生、經濟建設佮社會福利等等------，等於講，用佇咱每一個國民兮身上。卡輸若有儂毋納稅，政府著無錢通好鋪橋造路、建設學校，國家就會衰退。

逐家攏知影，政府為著欲增加教育文化，徹底實施全民教育政策，佇各縣市兮文化中心，圖書館，攏有豐富兮冊本，提供予咱觀賞，增加咱兮智識。

　　稅收若購買軍事用品，著會凍幫助咱研究發展，嘛會提昇咱兮國際地位，而且閣會凍維護治安，保障國民生命財產兮安全。

　　稅收若擴大佇人民福利，全民健康保險，若安呢，有一寡厝內底卡散赤兮儂，叨免閣為著錢日夜奔波、煩惱，怹著會凍安心治療病症。

　　環保空課兮推廣，不但會凍減輕糞圾兮份量，而且所收兮錢銀閣會凍賑災救濟，幫助一寡卡困苦兮儂。

　　建設公共設施，需要一筆足大兮經費，抑遮經費若干礁靠政府支出，是無夠，大多數兮經費，攏是靠咱遮老實兮老百姓，所繳兮所得稅、房屋稅、地價稅，牌照稅，營業稅。

　　茲久咱攏知影，政府所收兮稅是，「取之於民，用之於民」，所以咱更加需要盡這份義務，儂儂依照法定納稅。國家即有資金建設，為百姓謀福利，每一個人都守法納稅。安呢，咱兮國家社會即會進步、繁華，人民兮生活水準嘛即會提昇。

　　我茲故是一個小學生，毋免納稅，無閣電視有宣傳，我嘛欲唯細漢養成納稅的觀念，若是去超級市場買物件，我著欲養成拿發票兮習慣，提發票不但會凍防止廠商逃稅，而且閣會凍中獎金哦！『一兼二顧，摸蜆仔兼洗褲』。我欲共逐家講，老老實實納稅金才是好國民。毋通勿會記得。