按怎來孝順爸母

蓮蕉花台文雜誌（季刊）第二十七期


按怎來孝順爸母 陳玉華撰稿


各位老師、各位同學，大家好：我今天欲演講的是『按怎來孝順爸母』。
三年前阮阿爸著過身啊。今嘛春我、阿母、阿姊三個人相依為命，阿爸卡早置台北鐵路局上班，每工透早就出門坐火車，三更半暝才閣坐火車轉來宜蘭，逐工攏趡店火車跤，修理東修理西，ㄎ一ㄥ、ㄎ一ㄥ、ㄎ一ㄤ、ㄎ一ㄤ舞甲全身軀烏ㄕㄜˊㄕㄜˊ，阿爸講伊甲意這種空課，伊毋驚垃圾，他講火車安全最重要。阿爸活置世間的時對阮真照顧，嘛真疼惜阮姊妹，我萬萬想到，阿爸誠緊著來離開阮，我抑細漢，抑赴來有孝伊，伊著破病過身啊，我真感嘆，我今嘛會凍深深體會『樹欲靜而風不止，子欲養而親不在』茲種心情，雖然阿爸過身啊，我相信伊置天頂嘛會繼續看顧阮，保護阮。
阿母本底置成衣廠車衫仔，毋過，車衫景氣無好，阿母才改途賣燒仙草、紅豆湯佮剉冰，逐工辛辛苦苦咧做買賣，我問阿母講：『汝甘會累』，我伸手幫阿母掠龍，阿母講：『為著腹肚，甘願食苦』，咱今日『賺錢為生活，無錢著食砂』。雖然阮的家庭減一個阿爸，阿母仝款晟養阮大漢，阮欲做一個乖巧的囡仔，好好啊做儂，好好矣用功讀冊，予阿母汝失望，置社會做一個有路用的人。阮有時間著欲較捷陪阿母開講，嘛會有孝阿母，按呢，阿母的苦心才無采工。我決定一世儂陪伴阿母到年老，。我演講到遮，多謝逐家。

指導老師：陳玉華
演 講 者：陳怡禎94/05/04-參加羅東鎮獅子會得到四年級第四名