大肥貓佮鳥仔囝

掖種台語社通訊 第34期

收錄”台灣閩南語朗讀文章選輯”　　　教育部　２００７年１０月

中華民國96年全國語文競賽題目　　閩南語朗讀篇目　　中學教師組　　編號　１１１

大肥貓佮鳥仔囝 　　陳玉華稿2002/07/15

　佇阮（guan2）厝後，有一間土角厝，真久攏無儂咧徛，歸個土埕攏發草，定定有蛇咧出入，厝角有一個鳥仔巢，平常時，佇遐耍个迄五個囡仔，看著，著夯竹篙去逐鳥仔巢挓（tha3）落來，鳥仔巢內面有五隻鳥仔囝，攏猶末發毛，一儂分一隻轉（tuinn2）去飼，奇（ting7）共鳥仔囝囥佇鳥籠仔內，驚鳥仔寒閣牽一葩電火球仔予溫燒，逐日都足照起工泡牛奶予鳥仔食，了後逐鳥仔捧佇手中，才共鳥仔的嘴撥開，用嗍（so2）管嗍牛奶倒佇鳥仔个嘴內，每工細貳咧照顧，足無簡單，鳥仔个翅股毛發卜僬勻（ciau5 un5），奇 喙笑目笑共我講，等甲鳥仔毛攏發僬勻，著卜放伊飛轉去尋伊阿母，那知拄才咧飼个時，煞記得關籠仔門，話拄講煞，迄隻大肥貓著趁奇 無注意个時，伸出前爪共鳥仔掠出，唅佇喙哖走離開矣，奇 手提柴箍啼啼哭哭，綴著貓咪跤跡後一直追（lek4），那追那罵（me7）：[勿予我cang著，一定打乎汝死]，大肥貓驚甲唯後壁巷逃走，走甲無看影跡。 若講著迄隻大肥貓，進前毋知佗一個人，騎一台機車戴一跤紙箱仔，撣店阮埕尾（bue2），跳出一隻肥肥媠媠毛真（tsin2）長个大箍貓咪，迄時，奇 著共抱去洗身軀（hun su），猶閣提飯（puinn7）菜來予食，有當陣，我拄共魚仔煎好捧上桌頂，隨予奇 掠去飼貓，奇 對迄隻貓有夠惜唉，逐工攏結做伙。

那知奇 心愛个迄隻鳥仔，煞乎迄隻大肥貓食去，這聲親家變冤家，冤愁結深囉，逐日都招囡仔伴，手提柴箍，厝前 厝後搜查迄隻貓个下落。猶閣佇稻埕做一跤鐵籠仔，頂頭綁一條索仔做陷阱（tshenn2），等待貓來个時，著用鐵籠仔共翕起來，看遐囡仔，若無當著迄隻貓是唔甘願唉，著安爾一日等過一日。

到甲有一工个中晝，迄隻大肥貓，優哉優哉！又閣行來門（buinn5）口埕咧曝日頭，這個時陣，拄好去予遐囡仔影著，著開始進行个計劃追捕，隨個手夯武器，全面包圍追趕，緊張!剌激！歸尾迄隻貓犯，亦著關入監獄內接受制裁。