8 學生演講稿----------行家己的路

行家己的路 田凱碩 　 演講稿 97/08/05

　陳玉華 　指導修訂 97/08/08



我逐早起騎自輪車去學校讀冊，放學嘛是騎自輪車去補習班補習，攏已經慣勢啊。有當陣我甚至頭殼放予空空，啥乜攏勿愛去想也仝款會凍騎到位。置現代升學主義佮社會價值觀的影響下，阮遮學生囡仔下課了後會閣再去補習班補習，目標就是為著想欲考稠一間尚界讚的大學，若是會凍考稠大學，尚好是讀自然組系，那安呢以後嘛較有出路，但是，真少人願意將家己的跤步擋diam7，去探索家己身邊的事物，揣家己的興趣，堅持去行家己的路。我認為「拓寬自己的眼界」是一件真重要真重要的代誌。

置日本有一間電器公司，原本甘那做電風，後來公司的總經理，想欲做其他產品的開發，公司的顧問甘那講一句：「咱只要做佮風有關的產品著好」。經過四、五年了後，彼間電器公司開發了暖風機，以及果園專用的恆溫風扇，事業愈做是愈發展，甘那做風的生理，就替公司創造了輝煌的業績。我置咧想，有當陣，並毋是咱的路傷窄，是咱家己的眼光窄，擋著家己的路，或者是揣毋著家己想欲行的路。俗語講：『一枝草一點露，天無絕人之路。』若是揣著自己的路以後，堅持是一件閣卡重要的代誌。真濟人甘那空有理想，卻無願意付出行動，『一等二靠三落空』，等到別人攏已經成功的時，才咧怨歎家己無路用、無才調。
一九一四年，美國尚介偉大的發明大王，愛迪生的實驗室發生火災，所有的研究結果攏化為烏有，『火燒罟寮---全無望』。雖然愛迪生的研究結果予火燒去，毋閣伊真想會開講：「感謝上帝，予一場大火燒掉我所有的錯誤，我茲久又閣會凍重新開始來研究」。

咱人生的路坎坎坷坷，咱愛『一時風駛一時船』，『到彼個時，徛彼個旗』，著愛跤踏實地來做代誌，「見機行事」掠著方向，才勿會『擔沙填海-----了戇工』，咱嘛愛堅持咱做人的原則，建立家己的風格。只有步步來堅持，勇敢向前行『三分天注定，七分靠扑拚』，『愛拚才會羸』，才會凍真正行出家己的路。

一個人創造事業，如果事先若會當深入的思考，詳細的計劃，然後跤踏實地一步一步去推動，『一想二做三成功』。成功必然會屬於伊的。俗語講「天跤下無迄囉食免費的中晝頓」，咱必須愛付出代價，才會當享受成功的滋味。

自細漢阮阿爸佮阿母著給我灌思想，怹講汝將來若會凍行醫術茲條路，不但會凍救濟患者，也會有好的聲望，所以我自小的夢想就是想欲做醫生，做醫生會當幫助病人，解決病人的煩惱，看見怹的笑容，是我快樂的來源。現主時，我朝向著我的夢想前進，雖然路途真遙遠，也真辛苦，毋閣我毋驚，我真快樂，因為我是行我家己的路。





走自己的路 田凱碩 　 原演講稿 97/08/05



每天騎車上學，放學騎去補習班，太習慣了，有時候我甚至腦袋放空，也會到的了。在現代升學主義及社會價值觀中，補習就是為了考好大學，最好去讀自然組，以後比較有出路，但是，卻很少人停下腳步去探索自己身邊的事物，找到自己的興趣，堅持去走自己的路。

我認為「拓寬自己的眼界」是一件很重要的事。日本有一家電氣公司原本只做電風扇，後來公司的總經理想做其他產品的開發，他的顧問只說了一句：「只要做跟風有關就好了。」四、五年後，這家公司開發了暖風機以及果園專用的恆溫風扇，產品愈來愈豐富，只作風的生意，卻為公司創造了一個又一個的輝煌。其實，很多時候，不是路太狹窄，而是我們狹窄的眼光擋住了自己路，或是找不到自己想要的路。

找到自己的路以後，堅持是一件更重要的事。很多人空有理想，卻不願付出行動，等到別人都已經成功時才自怨自艾。一九一四年，舉世知名的發明大王愛迪生的實驗室發生大火，將他所有的研究結果化為烏有，但他卻說：「感謝上帝，一把火燒掉了所有的錯誤，我又可以重新開始了。」人生的路不可能一路順暢，只有步步堅持，勇往直前，才能真正走出自己的路。

我從小的夢想就是當醫生，能夠幫助別人，解決別人的煩惱，看見他的笑容，是我快樂的來源。現在，我正朝著我的夢想前進，路途很遙遠，也很辛苦，但是我不怕，我很快樂，因為我是走自己的路！