列報災害損失，可以減免稅款 ---------------學生演講稿

列報災害損失，可以減免稅款 講演：陳彥廷
撰稿：陳玉華 98/11/04
各位評審、來賓，大家好：我今仔日欲講的故事是『列報災害損失，可以減免稅款』。有一日，豬阿母對伊三隻豬仔囝講：「恁應該愛有家己起的厝。」豬大哥行出家門。著店山頂起草厝。豬二哥店半山腰起柴板仔厝。豬小弟店平溪起紅瓦厝，伊搬磚仔角閣搬水泥，伊把水泥攪好，將抹好勢的水泥、磚仔角，一塊一塊疊懸懸。趕呀趕，趕到日頭暗，伊的紅磚厝總算起好勢。豬小弟欲歇睏的時，聽著外面大風呼呼叫。看新聞氣象台，風颱警報，紅雲日出生，勸君莫出行，莫拉克風颱過境，請民眾量早做防備。
雷公爍爁呯呯叫，風颱像一隻大野狼，大喙開開，輕輕啊歕一口氣，著甲豬大哥的草厝吹倒，豬大哥趕緊包袱款款咧，準備到豬二哥的厝避難，啥知閣來了一陣大風大雨，將大樹搧倒，山崩地裂，造成土石流，豬大哥像坐流籠仝款，咻~~~摔對豬二哥的板仔厝，壓著二哥的豬肚，兩兄弟三步做二步走。風雨落無停，豬小弟厝前的溪水，變成大水流，兩兄弟想欲涉水而過，可是大水湍流，豬小弟扑開二樓窗仔門，撣出兩條大索，將大兄佮二兄救起，謝天謝地，兄弟總算平安無事，毋閣家產損失慘重。豬小弟提大條巾仔予兄哥擦身軀，閣提一杯薑母茶予怹口林，兄哥唉聲嘆氣講：『我可憐的厝，予風颱吹甲無影無跡，今嘛是『進無路，退無步』。豬小弟安慰兄哥，有命著有福，時到時擔當，無米才煮蕃薯箍湯，恁就安心住我遮，等颱風過後再講！」
颱風遠離台灣了後，大家無閒清掃家園，兄哥四處揣工人重建房屋。豬小弟也到地方稅務局探聽。在稅捐減免方面，根據財政部規定，若因風災產生車輛、家具、房屋、商品等財物損失，可以減免所得稅、房屋稅、地價稅等等八項稅捐。啊若是所得稅方面，置災害發生後30日內，檢具損失清單及證明文件，報請國稅局分局或稽徵所派員勘查，經核定後，著會凍辦理該年度綜合所得稅或營利事業所得稅結算申報時，列報災害損失。 若按呢，豬家兄弟著會凍將省落來的錢，將厝重新翻修起較堅固，毋免驚下擺的颱風。真正是『一兼二顧，摸蜆仔兼洗褲』。我的故事講到遮多謝大家。