我的迫迌伴 四忠 黃揆媛
修稿 陳玉華
各位評判先生，各位來賓逐家好:我今仔日欲演講的題目是[我的迫迌伴]。
我的迫迌伴有三個,一大一細,閣有動物，阮兜阿姊郁芩是我的迫迌伴,伊的目睭大大蕊,頭毛黑黑黑,講著話是[輕聲細細],伊毋但成績好,人綠嘛真好, 反應閣真緊,伊平常時對我真關心,我若是有問題,隨時問伊,伊攏袂感覺厭煩,攏會寬寬共我教,教我寫字讀冊,我若是無聊的時,伊著陪我耍佮我迫迌,
阮外公[一年一年老,愈老是愈緣投],汝甘有想欲知道伊勇壯的撇步是啥乜？彼是因為伊定定會燉中藥湯口林，雖然外公已經七十歲囉,[老骨硬康康,老皮袂過風],只要喝伊調配的秘方,著好像是生龍活虎的五十出頭歐吉桑！所以啊,伊也會凍娶阮一四界趴趴走。娶我佮阿姊做伙去游泳池游泳,阮做伙置游泳池耍鬼掠人,耍甲足歡喜,抑閣做伙比賽游水,甲阿姊做伙,伊會予我快樂,置學校的時,伊最照顧我,對我出世以來,我著共阿姊綴稠稠,伊走到叨,我著綴到叨,
有一擺,我佮阿姊做伙坐火車去到台北揣阿舅,到站的時,阮著落車,台北的厝一棟一棟攏真懸,街仔路一條一條攏差不多,車輛一台一台呼呼叫,阮一落車著一直揣怹的厝置叨位,可是阮揣真久攏揣無,茲時我想[欲哭無目屎],了後阿姊著想著打手機仔佮阿舅聯絡,過無外久,阿舅著來載阮去怹兜住,阿舅抑閣有請阮食冰,對阮足疼惜,毋閣阿舅兜的小表弟真giat siau5,真愛共人創治,住阿舅兜靴,有時代誌做無好,予阿舅罵,阿姊著來共我安慰.,鼓勵,伊講毋通[一個庫庫，不識禮數。」
有時我感覺阿姊伊真赤,脾氣真禾黑,像一隻虎豹母,強欲給人拆食落腹,會記得我細漢的時,阿姊伊真認真坐店冊桌仔頂咧寫功課,伊攏無陪我耍,彼時我感覺真無聊,著提一杯水,手溫水對伊的身軀一直ㄏㄧㄨ︑ˋ,煞ㄏㄧㄨ︑ˋ著伊寫好的字,伊氣甲拂拂跳,兩蕊目睭展甲足大蕊一直共我瞪,我[走甲揜尾狗仔],驚甲宓店桌仔跤,毋敢出來,茲時阮兜的狗仔哈克著行來我身邊,一直搖尾溜,阿姊無閒的時,哈克著是我最好的迫迌件,哈克足乖,我攏會共它抱店身軀,摸它的毛,搔它的身軀,有時餅提懸懸共它ㄌㄤ共它ㄒㄧㄚˊ,哈克著會跳懸跳低一直蹤,鼻鼻咧著共餅食掉,有時我故意共餅撣去足遠的所在,哈克著會走過去食,阮逐工攏耍甲足歡喜,逐日有怹陪伴.安慰我,予我感覺真快樂,我欲感謝上天予我一個好阿姊佮阿公,希望怹會凍永遠陪伴著我，伴我度過難關，帶予我快樂，做我最美好的回憶。我的演講到遮,多謝逐家。
沒有留言:
張貼留言