無緣人

無緣人 陳玉華 97/12/23







當年會議汝發誓

有汝阿龍無我的

　 天會懸呀地會低　

時間運轉會相khe5　　　　

　　　　　　　　　　

汝是天龍我是蝦

飛龍在天蝦在地

身份地位差太濟

龍蝦永遠袂做伙



汝講儂做天塊看

跤步綴汝會生湠

我是溪水汝是泉

溫度無仝行袂倚



汝是漳音我是泉

腔口無仝會相phua７

理念無對唔免chuaＮ3

較袂歹面來相喝



雖然腹腸誠廣闊

永過言語記心肝

汝的生活即快活

我有禍端抑塊拖



假使有緣再相會

甘袂歹勢頭犁犁

如今年紀也有歲

逐家煞煞莫閣揣



乂乂權勢了不起


公報私仇無禮儀


出喙成言無捨勢

刺我心肝心袂平



得失他人飼無雞

仝我知代啥乜he3

　我頂有母也有爸

下有子女著愛嫁



如今衣褲離線che7

提無錢銀通補貨

廿台語無背椅坐

見笑受氣唔講話



攏是乂乂的加持

害我有厝無街去

歸工閒閒扑閒詩

詩詩句句無喙舌



舌出話語會犯罪

乂乂食老行倒退

江山有朝換人客

絶不永遠是汝牙



君勸汝著放姿態

即袂唯死怨倒來

名聲著愛留後代

卡袂予我來憤慨