我佇學校的一工--------------------學生演講稿

智傑99/06/29 我佇學校的一工 撰稿：林智傑99/0621
修稿：陳玉華99/06/26
各位評判老師、各位來賓逐家好，我今仔日欲演講的題目是『我佇學校的一工』，『我佇學校的一工』。
學校是我上佮意的所在，因為佇學校會凍學到真濟知識，抑會凍學到真濟日常生活的常識，由其是學校內的圖書室是知識的寶庫，是愛看冊的囡仔最愛的所在，行入知識寶庫，著會凍揣著連老師都沒一定知的代誌，若是有疑問，佇冊頂上攏會凍揣到解答，所以，我每工最快樂的時間，著是佇學校的八小時，學校予我感覺，是一個非常好的知識學堂。

每工透早七點二十分，阮阿爸著會騎機車載我去學校上課，因為阮班的若超過七點四十五分進入教室，就算遲到矣，因此同學隨個攏拚phing7早的，到位的時逐個互相扑招呼，若是導師的時間，阮著會家己看冊，抑若是禮拜二的導師時間，著會放知識影片來看。有時會佇運動程走運動走兩lin3，按呢，不但會凍達到運動效果，嘛會凍去除我多出來的肉，而且閣會凍吸收陽光的維他命D，予我變成一個又閣健康，又閣古錐的美男子。

置每禮拜一、禮拜二的中晝，我食飯飽了解後，著會到四年級自然教室，練台語演講，通好準備比賽。雖然講練習的過程中真辛苦，毋閣這是咧訓練膽識，卡袂『無做大家，疲疲顫』，若是有準備，嘛較袂像『籠sng5蓋蓋無密-------漏氣』。下課的十分鐘，我攏會佮同學耍【魔法PK賽】，阮攏是店廣闊的所在耍。【魔法PK賽】的耍法，不但會凍做一個「水之幻師」而且抑愛面對敵人的攻擊，實在真刺激，有當陣予同學扑敗，我著假仙跋倒，『日本人佔草地－沒久』，又閣補血矣，我『起死回生』重再耍，而且扑嬴著會凍升等，學到新絕招，攻擊力抑升等。

我感覺每一節課，攏真趣味真心適，因為老師講課講到一半的時，著會講一寡笑話予阮聽，予阮笑笑咧，予一寡強欲啄龜的同學聽著笑聲，不但精神真充沛，而且，有時抑閣會笑到跋跋倒，提起精神來上課。雖然講上老師的課真趣味，但有時也真恐佈，假使一無細貳，做毋著代誌犯了錯，若按呢著愛好好矣反省，好好矣思考想清楚，阮班上課是又趣味又恐佈的『忠極一班』。時間咧過真緊，上課的時間過了，欲離開學校，感覺有淡薄仔依依難捨，毋閣這是暫時的分開，明仔早仝款會閣來。我的演講到遮，多謝逐家。