10 學生演講稿--------------- 種樹仔

種樹仔 陳玉華 97/07/30



「種樹仔」是一件真重要的代誌，樹仔訂根置咱的土地，樹仔會凍防止土石流，俗語講：『樹頭若徛乎在，毋驚樹尾做風颱』。樹仔大欉會遮風避雨，『樹仔大叢愛分枝(臺音ㄨㄟ)』，這是咱人，生長決定的過程。大叢樹仔會蔭芛，大叢樹仔剖有柴。種樹仔不但會凍保護環境，嘛會凍替社會創作產值某福利，也有光景好遊賞。

現代天氣愈來是愈炎熱，全球軟化，假使人人，若會凍種一欉樹仔，若按呢，著會凍減緩地球的暖化，種樹仔也可以幫助二氧化碳的減量，樹若死著吸

勿會著碳，樹仔若種無活，著像『蠓仔叮牛角~~~~無采工』，所以種樹仔有真大的學問。《種樹郭橐駝傳》，柳宗元文章中郭橐駝所描寫種樹的方法有講起：「樹根愛伸展、培土要槽勻，根上愛帶舊土，土愛實爭，一旦若種好，著勿要閣去管它，毋免擔心它，栽種的時愛像爸母撫育子女仝款，非常的細貳，一旦種好著

勿要干涉它的生長，自然它著會大得懸閣茂盛」。種樹仔是我的美夢，每一欉樹仔攏是一個小小的自然生態，有樹仔著有鳥仔、蟲仔、以及各式各樣的生命。

熱天時，風，微微仔吹來，感覺心涼、脾、透、開，樹仔葉飄搖，樹仔跤的阿公仔，半撐倒，坐店置椅仔頂塊拄眠。囡仔兄店置樹仔跤哩啦叫，像市埸鬧熱滾滾。有人坐店椅頭仔咧行棋，有人踞店塗跤兜提水灌肚猴，有人置樹仔跤庵咕雞走相趇，有的跳格仔播ㄎㄛㄍ啊，益有人置樹仔邊扑干樂。

益我細漢的時，尚愛足百去樹仔頂，『猴跤猴手』掠金龜子，掠鳥仔柚，毋閣手若手岸無好勢，也會『老猴跋落樹跤-------真正漏氣』。當東我目睭酸澀的時，望去一片草青色丌山坪，看著青天白雲，像一幅真--姷真--姷丌圖。熱天時，會凍坐店樹仔跤納涼，聽蟬叫聲，聽阿公仔講古、唱山歌，是一種真--好的享受。

人講：「前人種樹，後人歇涼」，老樹的存在，是咱前人的庇蔭，咱愛尊重老樹的民俗文化，老樹是一部歷史，值得咱去探訪。樹是咱代代相傳的聯絡情感力量的所在，俗語講：「食菓子，拜樹頭，食稻米，敬田頭」，千萬毋通勿會記得古早人的恩賜，咱愛好好保護咱的地球，種一欉樹仔置咱的土地，是一種希望，是一種愛的表現。一人閣再種一樹，土地即勿會光溜溜，光景美麗好遊賞，日後著免來優愁。