生有時，死有日

生有時，死有日 陳玉華 98/02/18

落土時,八字命 人出世落土命

生有時，死有日 惹蜂叮頭，惹鬼捏嚨喉

頭擺是誔誤，兩擺是刁意故 跤疼皇帝命

俗語講：人『未注生，先注死』，『賺外濟，食外濟定著定著』，『閻羅王愛汝三更死，絕不留汝過五更』。

肥田是一個學習障礙的囡仔，心地善良閣熱心，伊未滿十七歲的時，著有一台125的機車做上班的交通工具，伊透早坐火車到學校讀冊，下晡下課了後又閣坐火車轉來，接落做麵店仔的暗班工課，逐工攏舞到三更半暝，番點的時才有入門，假日的時也仝款無暝無日，一工鬥鬥唉睏無五點鐘，一個月的薪水差不多有萬統箍仔，對肥田來講，都唔免閣伸長手共爸母提錢買物件，看爸母的面色。

肥田滿十七歲生日的時，著共麵店仔頭家請假，含朋友去街市慶生，子時騎機車倒轉的路上，經過台五線，煞參一台驕仔相蹝，人摔倒，安全帽落出，頭出血，手骨斷，跤著傷，跏跤跏手，車台嘛mi mi mau mau，機車箱噴倒出，物件散置大路，對方驕車甘那安全桿垂倒來，可是肥田須要急診住院三工。經過調解雙方攏有唔對，不予置評，一個黃燈無停直直騎，一個是搶青燈直直駛，雙方無輸贏，

肥田因為出車禍，關置厝內靜養十五工無上班，每暗看電視感覺誠無聊，彼工拄好是初一排夜市，伊著招朋友含同學做伙去踅夜市，順煞買煙火店國小學校內放，啥知砲出校外，外圍拄坐一群欲食唔討賺的猴囡仔，彼群猴囡仔起身行入學校內，借題發揮講是肥田的朋友共怹砲著， 故意共怹嗆聲，肥田看唔是範勢，著踏向前共歹囡仔會失禮，一手擔罪，啥知歹囡仔空手赤拳，團團為住給肥田bok幾落下，肥田出車禍跏跤跏手，巨在歹囡扑攏無法度回手，肥田的朋友也被圍住無法度幫肥田，著按呢予無成囡仔bok到爽。後來肥田另外讀暗學的同學到位，頭前的同學，著將拄才發生的代誌講予後來的同學聽，其中有人彎腰耍柴仔，卻被歹囡仔當做提武器欲報復，歹囡仔矮仔偉佮虫仔扑電話繞一帆人來，大概有二三十台機車攏雙載，大都數攏手夯金屬武器，可惡的矮仔偉佮虫仔一群人，將肥田圍住，一拳一刀打在肥田身上，刀刀見血，肥田歸身唯頭到跤攏受重傷，出手殘酷想欲置肥田於死地，雖然肥田的同學豬仔佮蚵仔，赤手空拳鬥擋，孤掌難鳴，稍可受傷，卻無法度避開這場的血戰，肥田滿身全血，倒在地面，夜市猶原有兩三擔擔頭，街市的車輛來來往往，行踏的閒人，較輸一個抑未斷乳的豬仔佮蚵仔的膽識。有心人報案，歹囡仔散開，肥田被送入病院急診，住院二十統工療養，肥田漸漸恢復健康出院。著無法度上班，爸母疼痛肥田，『冤可解，不可結』，替囝做調解，愛對方（歹囡仔）出醫藥費，『大事化小事，小事化無事』。

事過兩冬外，『人的幸福超在自己，命卻是超在天地』，今年2月份，肥田上班駛車送貨時又閣出車禍，禍不單行，望天神地神保佑肥田乖囡仔此去順勢無代誌