讀冊的好滋味 五忠 李 晉 撰稿
陳玉華 修稿
各位評判先生逐家好，我今仔日欲演講的題目是讀冊的好滋味，讀冊的好滋味 .[書中自有黃金屋,書中自有顏如玉].這句話的意思是給咱講,只要認真學習追求智識,自然著會凍順利求取財富,有了才智佮財富,著毋驚娶袂著美嬌娘,事實上智識比黃金貴重,因為黃金有用完的時陣,而智慧是存置咱的腦海內,別人是偷袂走,也永遠永遠袂消失,而且置這個科技進步的社會內,無讀冊的人會慢慢被社會掛斥,可見讀冊是外重要.
書是智識的來源,也是世界上最營養的糧食,它提供給咱精神'活力,給咱有更卡濟更卡豊富的智識.相信每一個人長大的過程內,攏對讀冊有一寡印象,有的人感覺讀冊真無聊,嘿是伊無積極參與,有的感覺真趣味,有一句俗語講：「讀冊，讀冊，無讀無慼，愈讀愈慼」毋擱，我毋是按呢喔！我是愈讀愈心適，愈讀愈合意。我個人著對冊有無仝的感覺,但我感覺讀冊非常有意義,當我扑開自然科學冊, 阮會被各種奇妙有趣味的智識所吸引,像置寒冷的冬天,有一寡動物無容易揣著食物,為了保存體力,會睏一冬季,等到春天來臨的時,怹即會舒醒來,掀開兒童故事冊,會凍激發思想,創造力,抑會凍予咱沉醉置童話故事內,每種冊有各自趣味與情節.
一講著冊,當然不可缺失智識的寶庫-------圖書館.圖書館的腹肚內底有五花十色,包羅萬象的冊,予每一個人置任何時間攏會凍讀冊,[食到老,學到老],只要有清閒的時間,走一趟圖書館,汝著會凍滿載而歸,圖書館內有各種無仝款的書籍,予汝享受著讀冊的滋味,「讀冊有四到，眼到、口到、心到、手到」，若有意願用心落去做，真緊就有收成，讀冊的滋味是外甘甜,外好咧!我想真濟人嘛應該加看冊加學習,毋但對本身有益,課業嘛一定進步真濟,做代誌嘛一定會凍順序好勢,讀冊的收獲一舉兩得,相信真濟人攏愛讀冊,毋管置厝裡.圖書館.或者是任何所在只要手底有冊,隨時攏會凍閱讀,置民間出版了各式各樣的書籍,有偉人傳記,百科全書----等等,予我有閣卡濟的選擇,但是有一寡不良書籍會傷害心靈,千萬不可khap著,遐冊根本著是無營養的書籍得袂著知識,毋通[四書讀透透,毋識黿.鼇.龜.鱉.灶,讀冊讀置胛脊背,毋識做人的道理,[少年若袂曉想,食老著毋成樣],多讀冊，多見識，才不會成為古井底的水雞。,所以咱愛逐工讀好冊,增加智識,好修養.做好人.我的演講到遮,感謝逐家.
我的迫迌伴 五忠 李 晉 撰稿
陳玉華 修稿
各位評判先生逐家好,我今仔日欲演講的題目是我的迫迌伴,我的迫迌伴,當汝有困難的時,誰會陪伴汝?置你失志的時,誰會鼓勵汝?嘿著是汝最介好的好朋友,我最介好的朋友也是我的迫迌伴,伊的名叫游文賓,是我塊讀三.四年的仝班同窗,逐個攏慣勢叫伊阿賓啊.
伊的頭毛捲捲捲,置班上的成績是普通普通,但是人緣誠好,毋管置查某囡仔,抑是查埔囡仔內底,伊的人際關係良好,攏是人氣王.我佮伊是麻吉,會使講是穿開跤褲仔大漢的好兄弟.置下晡拚掃時間內,我攏會佮伊店樓跤做伙掃,也會毋做蒂做空課偷偷仔耍,抑閣會提水桶貯水潑來潑去,潑到歸身軀澹kah kah差一點仔著感冒.
歇假的時,伊定定招我佮朋友做陣去校園扑籃球,原本我連基本的籃球技巧攏袂曉,予伊教落到塊,煞變成一個灌籃高手,這攏愛感謝我茲個最介好的好友,古早人講：「一牽成、二好運、三才情」,著是咧講「一個人卜成功,除了個人本身的才調佮能力以外,擱卡重要的是愛有朋友的幫忙,牽成才會當順利達成目標」。我少想欲叫伊一聲大兄.假日除了扑球以外,伊抑會娶我去買飲料請我口林,真正康概.
阮兩人最甲意做仝一款的代誌,著是置學校扑閃避球,揣一寡仝班的同學,做伙對抗別班同學,有時扑到對手[落花流水],有時戰敗走到褲跤離,大多數阮攏扑贏,有一擺扑太大力,球煞予阮扑破去,用足濟的膠帶,勉強給球黏起.抑閣有一擺球飛入去草堆內,揣一晡即給球撿轉來,每埸球賽攏真精采,阮的實力也越來越強.毋像卡早遐軟跤蝦.
我希望後擺閣會凍繼續佮伊做好朋友,今嘛伊已經轉到別間學校,好親像是置台北木柵的某一間學校讀,雖然伊離開阮,毋閣假日有時也會倒轉來學校揣阮閞講,做伙耍,也會定定扑電話佮我聯繫,希望有一工閣會凍佮伊做同班同學.佮伊離別的時,雖然逐家攏真毋甘,俗語說得好,「天下無不散的筵席」,閣卡好的情誼,有一天抑是會有分開的時陣。阮只好目箍紅紅送伊離開學校,祝福伊[一帆風順],
伊雖然離開校園,毋閣校園內猶原留有伊的身影佮笑聲,更加有伊好學不倦,彬彬有禮的典範,俗語講:[衫著新,人著舊]我也會永遠永遠珍惜阮長久建立的這段友情.我的演講到遮多謝逐家.
沒有留言:
張貼留言